Perlekos...

Kva me damene i huset held på med ein søndagskveld? 

Tja... Kanskje vi koser oss med å lage figurar av perler?

Hadde funne dei fram til veslejenta som var på besøk hos oss tidlegare på dagen, 

men det var så kjekt at vi vart sitjande med det etter at dei var gått òg:)

Miriam sitt monster. Legg merke til dei store øyrene og skjegget!

Bilbanebygging

Søndag fekk me besøk av familien Straume. Eg spurde ungane dei om dei kunne tenkje seg å setje i saman bilbanen som har stått ubrukt på bedehuset i nokre år no, - for å sjå om den framleis verka. Det ville dei. Olav køyrde ned og henta den, og her er dei ivrig i gong med byggjinga.

Dessverre gjekk det ikkje så bra med køyringa. Den virka, men skinnene må nok pussast iltt med stålull for å få skikkeleg kontakt.

Miriam hadde baka NYYYDELEGE vaniljeboller til kaffimaten. 

Dei var berre heilt fantastisk gode!! Du er flink Miriam!!!

Dugnad på bedehuset

Så var altså bedehuset solgt - til ein kunstnar i byen. Det vert spennande å sjå korleis det vert. Men før ho kan overta må alt ut som skal bort, - så i dag var KRIO (KRisten I Osterfjorden) kalla inn til dugnad. Olav var med. 3 piano har han vore med å flytta, og mykje anna. 

Her er Oddvar Fyllingsnes - formann gjennom mange år. Han fann ei melodibok eg kunne få. 

Her kjem Dag Haarklau opp med alt som var i safen. Det ver Oddvar si oppgåve å sjå gjennom kva som skal takast vare på og ikkje. Han fann eit gamalt telegram med ei helsing til ein jubilant.

Juletreet (i plast), biljardbord, spel, kokeplate og diverse anna på veg til Eknes bedehus. 

God med alt som kan nyttast der. 

STOR rydding og vask av Hobbyrommet!!

To dagar tok det å rydde og vaske hobbyrommet. Det såg rett og slett ikkje ut før eg starta. Skulle jo hatt både før og etter bileter, men eg gløyde å ta før eg starta. Vel, - her er iallfall slik det ser ut no når det er ferdig. Det store spørsmålet er kor lenge det vert sjåande slik ut??

Ryddig og fint!

I skrinet til høgre er det alt slags små dubeditter til kortlaginga. I boksen til venstre er alle perlene.

I skuffeskrinet til venstre er alle snorene. Og så er dei ulike skjæreplatene/ kuttarane her. 

Denne settekasse kjøpte eg i ungdomen. Kjekt å ha den i bruk enda. 

Og greit med krokar til å henge opp ting slik at dei er lett synlege. 

Denne leikekassen stod eigentleg under borde på førre bilete, - med berre 3 boksar i. Etter å ha leita hos farmor, på løa, i boden, vaskrommet og rundt om kring elles, så har eg klart å finne 10 boksar. 

Her er alle stempla sortert: Julestempel, blomster og blader, dyr osv. Og stempelputer i ein for seg sjølv. 

Dette stativet fekk eg rimeleg då dei avslutta den kristne bokhandelen på Frekhaug. 

Greit å ha alle gåvepapira på ein stad.

Den store arkhylla fekk eg òg kjøpt der. Endeleg har den kome i hus. Den har stått ute i fleire månadar, men no er den altså på plass. Jentene skal sjølv få sortere alle papira i den. No har eg berre stua inn... 

Den gamle kommoden frå IKEA er grei å ha. Mykje kom på plass att i den.

 Berre å vakse ovnen og rundt denne var storarbeid!

Endeleg har eg fått syplassen min att! Symaskinen har ikkje vore i bruk dei siste par åra, men etter å ha hatt den på service går den som ei klokke att! Og jentene har fått grei beskjed: DETTE ER MITT BORD!!

Hylla over fekk eg tak i på Fretex i Åsane. Kjekk sak :)

TOMMELEN OPP! No er eg fornøgd med meg sjølv!

Husvask - UTVENDIG

Olav har tatt bort terasseborda på verandaen utom loftstova. Skal leggje nye bord og nye skuffer under - slik at det vert heilt tett. Bjelkene var heilt grodd av grønske, så det vart min jobb å vaske dei. Men kva såpe skal ein bruke? Eg valde rett og slett Wanich spray, - og det virka veldig bra. Spaye, koste, syple, og vips så er grønska borte. Vel - noko VIPS var det ikkje

Greitt å ha stillas å stå på til slikt arbeid :)

Då den jobben var gjort, berre MÅTTE eg til litt på husveggen mot aust. På nokre veker har det grodd så mykje grønske på den at det ser heilt forferdeleg ut. Fekk tatt ein del, men det var ein ganske kald fornøyelse. Spray, skrubb og spyl, med jakka bretta opp til over albuane for å unngå at vatnet skulle renne inn på armane. Kaldt, kaldt, kaldt, - men likevel verdt det med tanke på jobben som vart gjort. Håper eg får tatt litt meir i neset veke. 

Her kan de sjå skilje mellom vaska og ikkje vaska.... Ikkje særleg fin vegg nei!

Ny tilhengjar

Så var endeleg ny tilhengjar kjøpt og på plass. Olav har snakka lenge om å kjøpa seg ein ny litt større tilhengjar. På denne er hjula plassert under, slik at det går an å leggje ned sidekarmane. Det gjekk ikkje på den forrige. Denne har òg feste på innsida av hengjaren, bøyler på toppen og presenning. Dessutan er den lengre... 

Førkonsert med Kløveheim- og Knarvik skulekorps

Torsdag vart det øving i Knarvik. Etter øving var det konsert saman med Knarvik. Begge skal spele på festival i helga; Kløvheim på Sotrafestivalen i 2.divison, og Knarvik på Mangerfestivalen i 1.divisjon. Alle elevane i 7. klasse var invitert til å koma. Dei som møtte opp vil få fri musikktimen neste torsdag - i siste time. 9 av 10 jenter og 3 av 13 gutar møtte opp. 

Det gjekk ikkje så heilt bra med framføringa i dag, - men det er eigentleg like greitt, - for då veit kvar og ein kva dei må heim og øve litt ekstra på til laurdagen. Eg tykte no at dei var flinke :) 

Her er nokre av 7.klasse jentene. Dei tykte det var kjekt å høyra på. 

Vakkert haustblikk over Esevatnet

Var innom ein tur på Kleopatra bunadssaum. 

Då eg skulle gå att, var det ein fantastisk flott utsikt over Esevatnet. Det måtte eg forevige. 

Farsdagsfeiring

Maria og eg var på Kløvheim frå kl. 10.00 - 15.40. Maria øvde med korpset, og eg var på kjøkkenet og laga mat. Det var gryterett med salat og baguetter på menyen.

Miriam stod på kjøkkenet og prøvde seg på pannekakesteiking då me kom heim. Med litt for lite varme på panna gjekk det ikkje så bra. Det var mammo som måtte trå til og få dreis på sakene. Medan eg stod i pannekakeosen, kom farmor og onkel Asle.

Eg hadde kjøpt med meg kaker frå misjonsmessa i går, - tre ulike sortar på eit fat. Og så hadde eg kjøpt marsipankake. Og med varme pannekaker i tillegg så vart det ei lita feststund. Tina kom akkurat i tide til me skulle byrja å ete.

Det var så travelt heile dagen, at eg fekk ikkje tid til å finna fram farsdagsgåva før seint på kveld. Den hadde stått lagra hos Johanne. Eg gjekk ned og fekk drassa den med meg opp til huset. Pakka den ut og monterte den før eg henta Olav ut. 

Håper det vert ein ting som vert brukt, og ikkje berre ein ny "Kjekt å ha" ting som vert stua vekk. Førebels er det berre meldt regn, så dei første dagane vert nok ikkje så aktuelle.....

Lady til dyrlegen

Vi gjekk så lenge og venta på at Lady skulle få kvalpar. Vi las på internett, og fann ut at oppførselen hennar stemte med slik det skulle vera like før valping: åt lite og ingen ting mat, grov i bakken - for å lage rede. Var uroleg og klynkete. Ho var ikkje så stor, men vi rekna med at det kanskje var ein eller to valpar sidan ho hadde litt mage, og laga seg til med litt mjølk. På nettet las me òg at det kunne gå ei veke over tida dersom tispa hadde få kvalpar. 

På dag 70 tok me henne til dyrlege. Då hadde ho nesten ikkje ete eller drukke på ei heil veke. Røntgen viste at det ikkje var kvalpar i henne, men at det var mogleg det var noko anna i livmora. Ultralyd bekrefta at det var veske i livmora. Dette måtte ut. 

Dyrlegen anbefalte operasjon - til 10 000kr. Då sa mor i huset nei. Medisinering vil koma på bortimot 4 000, - men då med fare for at det kan koma att. 

Me vart einige om at det fekk verta medisinering denne gongen - og håp om at ho etterpå vil halda seg frisk. Ho fekk 3 sprøyter av dyrlegen. Antibiotikakur og smertestillande måtte eg kjøpa på resept på apoteket. Deretter måtte me ta med Lady torsdag og fredag òg til dyrlegen for å få sprøyte. Eg fekk med 4 sprøyter heim som me måtte setje sjølv heime. Alt dette for at livmora skulle opne seg og sleppe ut det som var inni - deretter lukke seg att, og antibiotika for å hindre infeksjon. 

Vel. No er prsessen snart slutt. Har berre eit par dagar att med antibiotika. Ho vart skrekkeleg kvalm etter sprøytene, men er ellers sprek og fin no. Får håpe det varer. 

Fotballtrening med Calle og Hassan!

NBK 2000 jenter vann ei trening med Calle og Hassan. 

Treninga fann stad i Nordhordlands hallen 4. november 2013. Det var stor stas!

Calle instruerer

Trenarane i samtale med Strilen-journalist

Miriam i duell med Hassan.

Heading

Ein liten pust i bakken etter intens trening.

 Calle viser og forklarer.

Arne Kleivdal til venstre, og Bjørn Brunborg til høgre; jentene sine fantastiske trenarar!!