Spelekveld på Danielsen med Maria 17.

Jentene sat på meg meg heim etter skulen. Etter å ha slappa av bitte litt - rydda kjøkkenet og laga middag - var det ut att med Maria og meg. I kveld var det elev/foreldre kveld på Danielsen for 9.klasse. Det vart ein kjekk kveld. 

Vi trakk lappar med eit nummer på. Deretter gjekk vi til bordet med same nr. Dermed vart vi 4 rundt eit bord. Der var det ein kopp med spørsmål - som elevane hadde laga - som vi skulle stille til kvarandre. Då me var ferdige reiste me oss opp og stod i ro til alle hadde reist seg. Då gjekk me rundt og byta nr.lappen me hadde minst tre gonger - og fann oss eit nytt bord å setje oss ved. Veldig kjekt, - med mange gøyale spørsmål. 

Miriam hadde ei god ryddeøkt i huset - særleg 1.etg. Ho vart òg med Olav i fjøset. 

Vel heime att var det på ny å gjer bilen rein. Litt grundigare denne gongen sidan den skal på service i morgon. Det stod så mykje i vegen hos oss (utstyr til pussinga) at eg køyrde bilen ned til svigers og fekk støvsugd den der. Det trongs!!

Såg på "I kveld med Ylvis" med jentene etterpå. Har ikkje sett på TV på mange veker no, så det var litt greitt å slappe av litt på den måten òg. 

Miriam til Askøy på fotballkamp 16.

I dag var det Miriam som skulle langt avgarde for å spele fotballkamp. Køyrde henne til Knarvik til kl. 17.30. Kl. 19.00 byrja kampen mot Ask på Askøy. Det vart tap denne gongen, 4-2. Urettferdig etter Miriam si vurdering, for det var dei som hadde hatt overtaket det meste av spelet. Men slik er det...

Eg fekk meg ein god prat med Ingunn på parkeringsplassen etter å ha sett ungane vel av garde. Innom senteret etterpå for å gjer eit par ærend, og brukte deretter tida på skulen til å gjer ferdig alle planane for neste veke. Miriam kom attende kl. 21.30. Då var det rett heim.

Det var litt krabbe att etter søndagen. Olav og eg rigga oss til på kjøkkenet og kosa oss med deileg kvelds etter at jentene var kome i seng.

Skulecup til Olsvoll og Maria til Bergen 15.

Skulecup med 7.klasse til Olsvik. Eg trudde først vi skulle til Olsvoll - som berre ligg eit lite stykke unna - men der tok eg feil. Vel, vel.. eg fekk heldigvis med meg rett stad før eg sat i bilen.Det vart ein kjekk tur for heile gjengen. Gutane vart litt skuffa over dundrande tap, men dei hadde ein flott innsats. På ein skule med 70-80 elevar på trinnet har dei litt meir å velga inn når dei skal ta ut eit lag på 7 spelarar + innbyttarar - enn vi har med våre 10 gutar av ulik kaliber. Synest dei var flinke til å stå på sjølv om resultatet var gitt ganske tidleg. 

Jentene vant. 3-3 vart stillingen, så dei vann på corner. På veg attende stoppa eg på Hylkje for å kjøpa med litt snack for å feire både siger og god innsats. Eg hadde med meg to jenter i bilen, som fekk vera med inn og velja kva vi skulle kjøpa. Dei tykte det var så stas å få vera med meg å kjøpa godteri, så då det gjekk ei dame forbid oss, sa dei høgt og tydeleg: "Dette er mammaen min altså!!"

Slikt som varmer eit lærarhjarta!

Miriam kom til Knarvik og var med Elida etter skulen. Ho fekk vera med dei på friidrett i dag på Hordvik. I utgangspunktet var ho ganske sliten etter hardtrening i gymen, men stod på likevel. Ho var ganske gele i beina då me henta henne seinare på kvelden. 

Maria skulle på konf.undervisning - så vi køyrde til Åsane. Der var vi innom Fretex ein tur. Maria skulle ha hatt til eit "BadTaste" party. Etterpå vart det pizza og calzone på Ikea. 

Slik ser det ut når Maria tek seg ein liten kvil på Ikea.

Og slik ser det ut når eg slapper av litt :)

Me var bortom Åsane senter òg ein tur. 

Maria fekk ei fin bibelveske av meg. 

Eg sat inne i menighetssalen og retta skuleoppgåver medan Maria var hos Jan Bygstad. Greit å få nytte tida til å få gjort unna litt arbeid. Fekk prata litt med han medan me gjekk bortover til bilen. 

Var innom fam. Svendsen litt då me skulle henta Miriam. Ho sat midt i kveldsmaten. Alltid kjekt å slå av ein prat med Anne og Ørjan. Me var heime litt over ni, - og då var me godt trøytte alle saman. 

Litt frå Måndag 14.

Måndag er ein av dei travlasta dagane i veka. Lang dag på jobb, med både fellestid og møte med eit par foreldre etter det. Maria og Miriam kom til skulen for å vera med meg heim. Dei fekk pengar til å gå på bigbite og kjøpe kvar sin dagens til oss. 

Etter å ha kørd Maria på korpsøving, var eg med Miriam og såg over leksearbeidet. Ho held på med ein engelsk powerpoint presentasjon som ho synte til meg. Flott arbeid!

Etter å ha henta Maria, måtte eg rydde litt i bilen. Skal på fotbalcup med elevane mine i morgon. Tidleg kveld...

Båttur til Lonevågen - middag 13.

Godt å få liggje litt frampå i dag - for dei fleste av oss...

Vi sat i stova saman og såg på gudsteneste frå DELK.

 I dag var det hausttakkefest.

På veg ned til båten viste bilen 17 grader! Fantastisk!!

På veg ut fjorden. 

Miriam slapper av. 

Miriam prøver fiskelukka.

Vi prøvde å få litt agn til krabbeteinene - 

men det var ingen som ville bite på kroken.

Trioen syng....

 Middag i Lonevåg. Olav valde laks...

Miriam kyllingnuggets....

Maria kebab....

... og eg tok ein baconburger....

Is til dessert.

Olav liker seg godt i Lonevåg, for der har dei eige dessertbord med god utvalg.
 Her testar han ut sitronformasjen og appelsinformasjen. 

Fantastisk å være på sjøen i slikt flott haustvær.

Olav og eg fiska litt på tilbaketuren. 

Eg fekk fire små makrell.

Jentene tok seg ein blund imens. 

Vi fekk to svært store krabbar, og to mindre i dag.

Johanne kokte krabbane, så kosa me oss der etter at Olav var ferdig i fjøset. 

Jentene liker ikkje krabbe, - og heller ikkje lukta, 

- så dei gjekk opp i huset og kosa seg åleine der. 

Laurdag 12.

I dag skal vi pusse vestmuren. 

Slik ser det ut før start.

Først må platene under verandaen skrus ned - slik at vi kjem til og får pusst heilt opp til kanten på kledningen.

Miriam var med meg i fjøset for å gje dyra mat midt på dagen. Miriam tok seg av kalvane. 

 Begge jentene vart med farmor opp på beite for å ta ned resten av strømgjerdene. Kjekt arbeid i så nydeleg ver.