Misjonsmessa 2012

Fann ei avisside frå 2012 - frå Misjonsmessa på Hundvin - med bilete av jentene. Kjekt å ta vare på....

LØPAR FOR MISJONEN: - Det er meiningsfullt å bidra til misjonsarbeidet, seier Målfrid Lavik frå Meland. Løparane på veggen har ho laga i ein periode då helsa skranta.kranta.

Godt for helsa - godt for misjonen

Då Målfrid Lavik vart ramma av sjukdom, var symaskina og misjonen god medisin.

Publisert 14.11.2012 kl 10:48 Oppdatert 14.11.2012 kl 12:00 Nordhordland avis

Dei vakre løparane heng på veggen ovanfor Målfrid Lavik i ungdomshuset på Hundvin, på Misjonssambandet si julemesse.?Dei har Målfrid sydd i ein periode då ho skranta helsemessig.

– Eg klarte å setja meg ved symaskina. Opplevde at tida gjekk fortare når eg kunne vera litt i aktivitet. Eg gledde meg over å sjå det eg laga etter kvart som det tok form. Det var godt for psyken å ha noko å jobba med også når ein må halda seg i ro på grunn av helsa, seier Målfrid.

Misjonsmenneske

Målfrid Lavik har vore misjonsmenneske i mange år. – Det er stort å få bidra i misjonsarbeidet, seier 66-åringen frå Meland.

– Det er inspirerande å få vera med på noko som har betydning no, men også utover dette livet. Bibelen er tydeleg på at evangeliet skal forkynnast til alle folkeslag, og det er vi medansvarlege for. Det finst mange måtar å bidra på, mellom anna gjennom å samla inn pengar til dei som reiser til andre land med evangeliet, seier ho.

På bordet framfor henne ligg det labbar og andre varme strikkevarer som andre har laga. Målfrid synest aktiviteten i mange misjonsforeningar er i ferd med å ta seg litt opp igjen, både i Nordhordland og andre stader i landet.

Med stort tolmod – år etter år

– Det er mange rundt om i heimane og i misjonsforeningane som strikkar og syr mykje fint med tanke på årets misjons-messe. Ein del slit med å koma seg ut, men dei er like fullt engasjerte i misjonsarbeidet og strikkar med stort tolmod det eine leisteparet etter det andre. År etter år, seier misjonskvinna frå Meland.

Sjølv har ho ikkje planar om å leggja handarbeidet vekk. – Det er kjempegildt å vera med, eg gir meg ikkje så lenge helsa held, seier Målfrid Lavik.

Betyr svært mykje

– Utan misjonskvinnene hadde vi ikkje fått så mykje gjort. Kvinneforeningane har vore ryggrada i misjonsarbeidet, seier hovudstyreleiar Lars Gaute Jøssang i Misjonssambandet.

MYKJE: - Har sjeldan sett meir folk på misjonsmessa enn i år, seier Svenning Bjørke, 

som har forsynt seg med ho Magnhild si betasuppe.

MONGOLSK: - Desse mongolske tøflane er varme og gode, dei skal mor på 92 få, 

fortel Anne Marit Kvalem Seljelid (t.h.)

DELER ALT: Dei hadde god vinnarlukke på basaren under misjonsmessa. 

 VI har vunne alt i lag, og skal dela alt, fortel Eikanger-jentene 

Maria Myhr, Ingrid Nordanger og Miriam Myhr.

MAT OG BASAR: Dette er sosialt, seier Ingrid og Stian Raunehaug, saman med barna 

Olivia, Silas og Ruth Noelle på misjonsbaser. Her kosar dei seg i matsalen samtidig som 

dei følgjer med på årene dei har kjøpt på basar.

PRESANGER: Mange sikra seg varme presangar til jul.

Miriam i avisa

Tek med ei avisside frå Nordhordland avis - frå ei av fotballtreningane til Miriam:

Seier nei til 

mobbe- app

LINDÅS: – Vi oppfordrar alle andre lag til å gjera det same.

Morten SæleE-post

  

• Skriv ut
• Tips en venn

Publisert 02.11.2013 kl 06:00 Oppdatert 02.11.2013 kl 06:00

– Vi har jobba mykje med haldningar og klubbkultur, og vi ønsker å vera eit forbilde på korleis ein skal vera med kvarandre, seier Bjørn Brunborg, som er trenar for NBK jenter 2000. Han fortel at han ikkje kan hugsa ein einaste negativ episode på laget, og skryt uhemma av den haldninga jentene viser.

– Vi har hatt ein sesong med fantastisk gode haldningar. Vi har tapt ein del, men dette laget har halde humøret oppe og oppmuntra kvarandre sjølv om vi ligg under og endar med tap, seier Brunborg.

Kollektiv sletting

På samling onsdag tok dei eit oppgjer med den mykje omtala mobbe-appen ”ask.fm”, og heile laget gjekk saman om å sletta denne appen frå telefonane sine.

– Vi ville gjera noko som kan vera eit symbol på at dette finn vi oss ikkje i. Vi skal visa at vi har gode haldningar, og at vi tør å vera eit forbilde som står for noko, seier han.

Mange av jentene på laget kjenner til andre som har fått stygge kommentarar via appen.

– Det er ikkje bra. Vi har sett veldig mykje stygt. Ingen fortener å få slemme kommentarar, eg synest alle burde sletta denne appen, seier Helene Kjærland.

– Vi vil oppfordra lag og alle andre til å gjera det same, seier ho. Dei tre jentene Nh snakka med rosar samhaldet og miljøet i laget.

Kjeftar og kranglar

– Andre lag vi speler mot kjeftar og kranglar med kvarandre. Vi smiler og ler og oppmuntrar kvarandre. For oss handlar fotball om å ha det gøy, ikkje først og fremst om å vinna, seier Sofie Brunborg. Dei tre trur gode haldningar kan ha ein smitteeffekt på andre lag.

– Vi har fått ein del kommen-tarar frå andre lag som har lagt merke til den gode tonen vi har. Eg trur det får dei til å tenka seg om, og eg trur dei andre trenarane legg merke til det, seier ho.

Betre lag

Alle tre er einige om at det har ein positiv innverknad på prestasjonane.

– Eg tru at gode haldningar og positivt miljø gjer oss til eit betre lag. Mange ville kanskje ikkje spelt fotball om ein får kjeft heile tida, seier Tina Hellem.

LES OGSÅ: Kan ikke forby mobiltelefoner

– Vi kjem til å jobba vidare med dette inn mot neste sesong, seier Bjørn Brunborg.

– Om ein tar 25 hyggelege jenter saman på eit lag treng det ikkje gå godt av den grunn, vi må jobbe med haldningar heile tida.

– Vi skal framsnakka kvarandre, og møta kvarandre med respekt, både i laget, ovanfor motspelarar og dommar. Skal vi få det til, spør Brunborg, og får eit rungande ja frå jentene.

Ingen fortener å få sånne stygge kommentarar, seier jentene til Nh. No har alle på laget sletta mobil-appen ask.fm.

(Miriam står heilt bak - i midet - så vidt synleg!! - Men likevel med :) )

Familieleir på Raknestunet

Denne helga har vi vore på leir på Raknestunet - familieleir!! Det var kjekt å koma dit att i litt nye roller: jentene som barnepassarar og eg som leiar. Lulya var òg med oss, og det var første gong ho var med på leir.