Onsdager har eg fritime i 3. time, - og denne dagen - 4.november - såg me på vermeldiga at det skulle verta så mildt at mest sannsyleg vart vegane bare slik at det gjekk ann å køyre traktoren ned for å dra opp båten, - utan å måtte bruke kjetting. For å nytta oss av floa, køyrde eg heim i fritimen. Olav kom med traktor og hengar, bensin og nøkkel. Eg uti båten, og fekk den bort til "oppdragings-plassen." Det gjekk veldig greitt å få den opp og på plass.
Eg køyrde - som vanleg - bak, for å sjå etter at turen heim gjekk bra.
Like etter at me hadde kome heim kom det ei skikkeleg haglbyge,
og sidan har vêret berre vorte verre og verre.
Etter å ha sett både båt og traktor og førar vel heim,
var det berre å snu i tunet og koma seg attende til neste jobb.
Ingen kommentarer:
Legg inn en kommentar